Energetika vazirligi elektromobillarni zaryadlash stansiyalarini tarmoqdan uzish bo‘yicha hech qanday topshiriq bermagan. Ijtimoiy tarmoqlarda tarqatilgan xabarlar mutlaqo asossiz
Bugun bir qator ijtimoiy tarmoqlar va axborot saytlarida elektromobillarni quvvatlash stansiyalari hech qanday huquqiy asos ko‘rsatilmagan holda o‘chirib qo‘yilayotgani haqida xabar tarqaldi. Aytilishicha, quvvatlash stansiyalarini elektrdan uzish bo‘yicha vazirlik topshiriq bergan.
O‘zbekiston Respublikasi Energetika vazirligi mazkur xabar haqiqatga to‘g‘ri kelmasligini ma’lum qiladi. Ta’kidlash kerakki, ayni paytda mamlakatimizda generasiya, ya’ni elektr energiyasi ishlab chiqarish bo‘yicha hech qanday muammo yo‘q. Ishlab chiqarilayotgan elektr energiyasi esa o‘z ehtiyojimizni to‘liq qoplashga yetadi.
Energetika vazirligi quvvatlash stansiyalarini tarmoqdan uzish bo‘yicha topshiriq bermagan.
Shuni alohida aytish kerakki, Energetika vazirligi ekologiyamizni asrashga katta hissa qo‘shadigan elektromobillarni O‘zbekistonda ommalashtirish tarafdori.
Rossiya Yaponiya va Janubiy Koreyaga hujum qilish rejalarini ishlab chiqdi – FT
O‘limga hukm qilingan amerikalik imkon qadar tezroq qatl qilinishini so‘radi
Qarshi shahri hokimi sud qilindi
