Dunyo tanigan yana bir milliarder vafot etdi

Britaniyalik milliarder va “Telegraph Media Group” egasi Devid Barkli 86 yoshida vafot etdi, deb xabar berdi “Daily Telegraph ”.

Devid Barkli egizak akasi Frederik bilan birgalikda 1960-yillarda binolarni ta’mirlash hamda sotib olish bilan shug‘ullangan, keyinchalik mehmonxona va chakana biznesda o‘z omadini sinab ko‘rgan. 2004 yilda esa “Telegraph Media Group” ni sotib olgan.

Buyuk Britaniya bosh vaziri Boris Jonson Tvitterda milliarderning xizmatlarini alohida ta’kidlab, vafoti munosabati bilan hamdardlik bildirdi.