Polsha prezidenti Anjey Duda ukrainalik uchuvchilarni F-16 qiruvchi samolyotlarida mashq qilishni boshlashga chaqirdi.
Uning fikricha, Ukraina Qurolli kuchlari NATO standartlariga javob berishni xohlaydi va shuning uchun F-16 qiruvchilaridan foydalanishi kerak.
«Uchuvchilarni tayyorlash Ukraina uchun muhim va mutlaqo zarur», dedi Duda CNN telekanaliga bergan intervyusida.
CNN manbalariga ko‘ra, ayni damda AQSh ukrainalik uchuvchilarga Amerikaning turli harbiy samolyotlari, jumladan, F-16 samolyotlarini boshqarishi uchun qancha vaqt ketishini aniqlashga harakat qilmoqda.
Ikki ukrainalik uchuvchi AQSh harbiy bazasida bo‘lib, u yerda ularning mahorati parvoz simulyatorlarida sinovdan o‘tkazilmoqda.
