Donbass hududlari aholisining Rossiya Federasiyasi tarkibiga qo‘shilish bo‘yicha qarori millionlab odamlarni genosiddan qutqaradi, dedi Rossiya Davlat dumasi spikeri Vyacheslav Volodin ovoz berish natijalarini sharhlar ekan.
“Qabul qilingan qaror millionlab odamlarni genosiddan qutqaradi. Bu bizga kelajak uchun birgalikda rejalar tuzish imkoniyatini beradi”, - deb yozdi duma spikeri Telegram-kanalida.
23-27 sentyabr kunlari Donesk va Lugansk xalq respublikalari, shuningdek, Xerson va Zaporojye viloyatlarida Rossiya tarkibiga qo‘shilish masalasi bo‘yicha referendumlar o‘tkazildi. Saylov byulletenlarini qayta ishlash natijalariga ko‘ra, DXRda - 99,23%, LXRda - 98,42%, Xerson viloyatida - 87,05%, Zaporojye viloyatida - 93,11% aholi ulushi Rossiya Federasiyasiga qo‘shilish uchun ovoz bergan.
