Dog‘istonda Maxachqal’a va Kaspiysk shaharlarida o‘tkazilgan aksilterror operasiyasi (KTO) chog‘ida terrorchilik jinoyatlarini sodir etishni rejalashtirgan uch kishi qo‘lga olindi.
Bu haqda Milliy aksilterror qo‘mitasi (MAQ) matbuot xizmati xabar berdi.
“Xavfsizlik organlari bir qator terrorchilik jinoyatlarini sodir etishni rejalashtirgan uch banditni qo‘lga oldi”, — deyiladi xabarda.
MAQ ma’lumotlariga ko‘ra, jangarilar qo‘lga olingan joyni tekshirish chog‘ida avtomatlar, o‘q-dorilar va qo‘lbola portlovchi moslama topilgan.
