Dnestrbo‘yida barcha korxonalar to‘xtab qoldi

Ayirmachi Dnestrbo‘yida Rossiyadan gaz yetkazib berish to‘xtatilgani sababli ishlab chiqarish to‘xtab qolgan.

Bu haqda "Iqtisodiy rivojlanish vaziri" Sergey Obolonik ma’lum qildi.

Unga ko‘ra, 1 yanvar kuni ertalab soat 08:00 dan boshlab, “Gazprom” Ukraina hududi orqali gaz yetkazib berishni to‘xtatgach, barcha sanoat korxonalari o‘z ishini to‘xtatgan.

5-yanvarga qadar aholi tomonidan iste’mol qilinadigan energiya miqdori va korxonalar ehtiyojlariga qancha miqdorda ajratilishi mumkinligi aniq bo‘ladi.

Agar gaz ta’minoti bilan bog‘liq muammoni hal qilib bo‘lmasa, u holda kompaniyalar qayta ishga tushirish imkoniyatini yo‘qotadi.