Xalqaro dzyudo federasiyasi (IJF) 2024 yilning eng yaxshi sportchisi nomiga nomzodlar ro‘yxatini e’lon qildi. Ro‘yxatda Olimpiada chempioni Diyora Keldiyorova ham bor.
«Yilning eng yaxshi dzyudochisi» nominasiyasiga da’vogarlardan biri Olimpiya o‘yinlari chempioni Diyora Keldiyorova bo‘ldi. Parijdagi Olimpiadada o‘zbekistonlik dzyudochining yaponiyalik Uta Abe ustidan qozongan g‘alabasi ham «Yil voqeasi» nominasiyasidan joy olgan.
Shuningdek, Marko Shpitka O‘zbekiston ayollar terma jamoasidagi faoliyati uchun «Yilning eng yaxshi murabbiyi» nominasiyasiga nomzod bo‘ldi.
Bundan tashqari, Muhammad Jumayev Dushanbedagi «Katta dubulg‘a» turnirida qo‘llagan texnikasi «Yil ipponi»ga nomzodlar qatoridan joy oldi.
Ovoz berish JudoTV platformasi orqali amalga oshiriladi va 2025 yilning 10 yanvarigacha davom etadi.
«An-Nasr» futbolchilariga avtomobil sovg‘a qildi. Ronaldu va Manega BMW XM topshirildi
16 dekabr kuni yana izg‘irin sovuq qaytadi
Ronalduning narxi rekord darajada pastladi
