Davlat departamenti Italiyaga 680 million dollarga elektron urush tizimini sotishni ma’qulladi

AQSh Davlat departamenti Italiyaga elektron urush (REB) tizimlari va tegishli uskunalarni 680 million dollarga sotishni ma’qulladi.

Bu haqda hukumatlararo shartnomalar bo‘yicha xorijga harbiy texnika va qurol-yarog‘ yetkazib berish uchun mas’ul bo‘lgan Amerika Mudofaa vazirligining Xavfsizlik sohasida hamkorlik bo‘yicha agentligi ma’lum qilgan.

Departament bayonotida qayd etilishicha, AQSh tashqi ishlar departamenti "Italiya hukumatiga Electronic Attack (EA)-37B tizimi va tegishli jihozlarni sotish imkoniyatini ma’qullagan.

Amerika tomoni Italiyada ushbu tizimning mavjudligi uning kuchlariga "dushmanning o‘zaro ta’sirini buzishga" imkon beradi, deb hisoblaydi.

Vashington ma’muriyati allaqachon Kongressni bu qaror haqida xabardor qilgan. Qonun chiqaruvchi organda potensial bitimni ko‘rib chiqish va uni bloklash uchun 30 kun bor. Pentagon tizimning sotilishi AQShning jangovar tayyorgarligiga ta’sir qilmasligiga ishontirdi.