Buyuk Britaniya hukumati Eron atrofidagi keskinliklarni hisobga olgan holda Kiprdagi Akrotiri aviabazasiga qo‘shimcha qiruvchi samolyotlarni joylashtirdi.
Bu haqda The Times gazetasi xabar bermoqda.
Gazeta xabariga ko‘ra, oltita F-35B qiruvchi samolyoti 6 fevral kuni Angliya sharqidagi Marem aviabazasidan chiqib ketgan va Yaqin Sharqda vaziyat keskinlashgan taqdirda Kiprga joylashtirilgan. Hozirda Akrotirida Eurofighter Typhoon qiruvchi samolyotlari ham joylashgan.
22 yanvar kuni Buyuk Britaniya Mudofaa vazirligi mahalliy hokimiyat iltimosiga binoan Qatarga Eurofighter Typhoon qiruvchi samolyotlarini joylashtirishini e’lon qildi.
Avvalroq The Guardian gazetasi mudofaa manbalariga tayanib, Buyuk Britaniya Eronga mumkin bo‘lgan zarba bo‘lgan taqdirda AQShga yordam berishi ehtimoldan yiroq ekanligini xabar qilgan edi. Biroq, gazeta Buyuk Britaniya havo kuchlari Yaqin Sharqdagi ittifoqchilarini himoya qilish uchun Eronning javob zarbasini qaytarishda ishtirok etishi mumkinligini ta’kidlagan edi.
Qoraqalpog‘istondagi “Borsakelmas” qo‘riqxonasi fotoqopqoniga qoraquloq muhrlandi
"Shayton trusik": Instagramda ichki kiyimlarini behayo reklama qildirgan tadbirkorning ishi sudga oshirildi
“Uch dara” — dunyodagi eng katta quvvatga ega to‘g‘on
