Buyuk Britaniya bosh vaziri Key Starmer AQSH-Britaniya harbiy bazasi joylashgan Hind okeanidagi Chagos arxipelagi ustidan suverenitetni Mavrikiyga o‘tkazish to‘g‘risidagi bitimni imzoladi.
Bu haqda Sky News xabar bermoqda.
“Ushbu kelishuvga hozir va o‘z shartlarimiz asosida kirish orqali biz bazamiz keyingi asrda ham yaxshi faoliyat yuritadigan mustahkam xavfsizlikka ega bo‘lishini ta’minlaymiz”, dedi Starmer matbuot anjumanida.
Kelishuv shartlariga ko‘ra, Britaniya Mavrikiyga 99 yil davomida Diyego Garsiya harbiy bazasi faoliyati uchun yiliga o‘rtacha 101 million funt sterling to‘laydi. Shu bilan birga, Starmer butun bitim taxminan 3,4 milliard funt sterlingga tushishini aytdi.
Bosh vazirning so‘zlariga ko‘ra, agar London kelishuvga erishmaganida, Mavrikiy hukumati ishni xalqaro sudlarga olib borgan va katta ehtimol bilan g‘alaba qozongan bo‘lardi.
“Keling, shunday kelishaylik: Biz Ukrainada bunday raketalarni ma’lum miqdorda joylashtiramiz"
Kreml "yonmoqda" - Serbiya Ukrainaga yaqindan yordam bermoqchi
Uh! Isroil Eronga hujum qildi
