Ijtimoiy tarmoqlarda Buxoro viloyatining Qorako‘l tumanida Buxoro elektr tarmoqlari korxonasining uch nafar ishchi-xodimi ish jarayonida halok bo‘lgani xususida xabarlar tarqaldi.
«O‘zbekiston milliy elektr tarmoqlari» aksiyadorlik jamiyati boshqaruv raisining matbuot kotibi — axborot siyosati masalalari bo‘yicha maslahatchisi Ulug‘bek O‘rinovning xabar qilishicha, halok bo‘lganlar Buxoro elektr tarmoqlari korxonasining emas, balki AJning «Buxoro magistral elektr tarmoqlari» filiali xodimlari bo‘lishgan.
Vafot etganlar uch nafar emas, ikki nafar bo‘lishgan. «Qorako‘l» podstansiyasida 2 nafar yosh mutaxassis bilan o‘lim baxtsiz texnik hodisa tufayli sodir bo‘lgan. Ular Aksiyadorlik jamiyatiga qarashli 500 kV kuchlanishli podstansiyada baxtsiz elektr to‘qnashuviga duch kelishgan. Yuqori kuchlanishli tokning zarbli urishi oqibatida 20 metr balandlikdan qulabtushishgan. Yigitlar tez tibbiy yordam ko‘rsatilishiga qaramay, voqea joyida halok bo‘lishgan»,-dedi Ulug‘bek O‘rinov.
Ma’lum bo‘lishicha, sodir bo‘lgan baxtsiz hodisa to‘g‘risida shu kunning o‘zida tegishli organlarga xabar berilgan.Ayni paytda holat sabablari tegishli organlar tomonidan o‘rganilmoqda. «Marhum hamkasblarimizdan birining bir nafar, keyingisining ikki nafar farzandi bo‘lgan. Ularning oilasiga hamdardlik bildirgan holda, barcha kompensasiya to‘lovlari amalga oshirildi»,-dedi .
Eron zarbasidan keyin Isroil havo kuchlari bazasining sun’iy yo‘ldosh tasvirlari e’lon qilindi
O‘zbekistonga nam va salqin havo oqimi kirib keladi
Ukrainaga «Barcha bombalarning otasi» tashlandi
