AQShning bo‘lajak prezidenti Panama kanalini ham AQSh nazoratiga qaytarmoqchi. Oqim orqali o‘tish uchun belgilangan yuqori tariflar tufayli kanalni tezda Amerika ixtiyoriga qaytarish zarurligini aytarkan, siyosatchi Panama suv havzasi savdo munosabatlari, shuningdek Atlantika va Tinch okeanlarida harbiy-dengiz kuchlarni tezkor joylashtirishda AQSh uchun muhim ahamiyatga egaligini eslatdi. Tabiiyki, istak bir tomon, niyatni amalga oshirish boshqa masala. Binobarin, Panama Prezidenti Xose Raul Mulino CNN telekanaliga bergan intervyusida Trampning kanalni qaytarish haqidagi bayonotini qo‘pol tarixiy jaholatning namoyoni, deb baholadi.
– 31 dekabr kuni kanal panamaliklar qo‘liga o‘tganiga 25 yil to‘ldi, – degan yetakchi. – Panama kanali 1977 yil imzolangan shartnoma asosida to‘liq davlatimizga tegishli. Demak, mamlakat suverenitetiga muvofiq, muzokara olib borilmaydi.
Panama hududidan o‘tadigan Markaziy Amerikadagi mazkur sun’iy inshoot Atlantika va Tinch okeanlarini bog‘laydi. Shu bois xalqaro ahamiyatga ega juda muhim transport suv yo‘li hisoblanadi.
Moskva g‘azabda: Barcha javobgarlik AQShda...
Rus gazi to‘xtashi qaysi davlatlarga ta’sir qiladi, qaysilariga ta’sir qilmaydi?
Rossiya Yaponiya va Janubiy Koreyaga hujum qilish rejalarini ishlab chiqdi – FT
