Bugun, 8 sentyabr kuni Toshkentda qator ko‘chalar yopiladi

Bugun, 8 sentyabr kuni soat 19:30 da Alisher Navoiy nomli davlat akademik katta teatrida ochiq osmon ostida “Kuz zari og‘ushida Katta Musiqa” konserti bo‘lib o‘tadi.

Toshkent shahar hokimligining ma’lum qilishicha, shu munosabat bilan 8 sentyabr kuni soat 10:00 dan 00:00gacha Toshkentdagi bir necha ko‘chalar vaqtincha yopiladi:

• Buyuk Turon ko‘chasi Islom Karimov ko‘chasi bilan kesishmasidan Matbuotchilar ko‘chasigacha bo‘lgan oraliqda;
• Buxoro ko‘chasi Buyuk Turon ko‘chasi bilan kesishmasidan Zarafshon ko‘chasigacha bo‘lgan oraliqda.

Eslatib o‘tamiz, haydovchilardan aylanma yo‘llardan foydalanishlari so‘raladi.