Бугун, 8 сентябрь куни Тошкентда қатор кўчалар ёпилади

Бугун, 8 сентябрь куни соат 19:30 да Алишер Навоий номли давлат академик катта театрида очиқ осмон остида “Куз зари оғушида Катта Мусиқа” концерти бўлиб ўтади.

Тошкент шаҳар ҳокимлигининг маълум қилишича, шу муносабат билан 8 сентябрь куни соат 10:00 дан 00:00гача Тошкентдаги бир неча кўчалар вақтинча ёпилади:

• Буюк Турон кўчаси Ислом Каримов кўчаси билан кесишмасидан Матбуотчилар кўчасигача бўлган оралиқда;
• Бухоро кўчаси Буюк Турон кўчаси билан кесишмасидан Зарафшон кўчасигача бўлган оралиқда.

Эслатиб ўтамиз, ҳайдовчилардан айланма йўллардан фойдаланишлари сўралади.