Bruklindagi yahudiylar markaziga hujum uyushtirmoqchi bo‘lgan Pokiston fuqarosi qo‘lga olindi.

Shu haftada Bruklindagi yahudiylar markaziga hujum uyushtirishda gumon qilingan Pokiston fuqarosi Kanadada qo‘lga olindi. Hujum, gumonlanuvchining rejasiga ko‘ra, 7 oktyabrdagi qirg‘inning bir yilligi munosabati bilan amalga oshirilishi kerak edi, deb xabar bermoqda Times of Israel nashri.

AQSh Bosh prokurori Merrik Garlandning aytishicha, Muhammad Shahzob Xon o‘zi istiqomat qilayotgan Kanadadan Nyu-Yorkka "Islomiy Davlat" nomidan imkon qadar ko‘proq yahudiylarni o‘ldirishni maqsad qilgan.

AQSh rasmiylarining ma’lum qilishicha, bir muddat avval Xon ISHIDning tashviqot videolarini tarqata boshlagan va ijtimoiy tarmoqlarda va boshqa odamlar bilan yozishmalarda terror tashkilotini qo‘llab-quvvatlashini bildirgan.

AQSh Adliya vazirligi ma’lumotlariga ko‘ra, ikki maxfiy huquq-tartibot xodimi bilan suhbatda u o‘zi va AQShda joylashgan ISHIDning yana bir tarafdori AQShdagi yahudiy markazlariga hujum uyushtirishni rejalashtirayotganini va ularga qurol va o‘q-dorilar kerakligini tasdiqlagan.

Rasmiylarning ta’kidlashicha, Xon AQShga qanday kelish niyati borligi va 7 yoki 11 oktyabrda Yom Kipurda terakt uyushtirish niyatida ekanligi haqida ham ma’lumot bergan.

Keyin, 20 avgust kuni u maxfiy polisiya xodimlariga Nyu-York shahrini nishonga olishga qaror qilganini aytdi va ularga hujum uchun tanlagan aniq joyning fotosuratini yubordi.