Britaniya va Fransiya zudlik bilan BMT Xavfsizlik Kengashini chaqirmoqda

Jazoir, Buyuk Britaniya va Fransiya 16 oktyabr kuni G‘azo sektoridagi gumanitar vaziyatni muhokama qilish uchun BMT Xavfsizlik Kengashining shoshilinch yig‘ilishini chaqirdi. Bu haqda Buyuk Britaniya TIV bayonotida aytiladi.

"G‘azo shimolidagi gumanitar vaziyat dahshatga solmoqda. Hayot ta’minoti tizimlaridan foydalanish bilan bog‘liq vaziyat yomonlashmoqda. BMT ma’lumotlariga ko‘ra, so‘nggi ikki hafta davomida u yerga deyarli oziq-ovqat yetkazib berilmagan. Isroil tinch aholini himoya qilishi va hayotiy zarur yordamni yetkazib berish uchun yo‘nalishlarni ochishi kerak. Biz fransiyalik va jazoirlik hamkasblarimiz bilan birgalikda bugun ushbu muammoni hal etish uchun BMT Xavfsizlik Kengashining shoshilinch yig‘ilishini chaqirdik.

Biz xalqaro hamkorlarimiz bilan birgalikda G‘azoga ko‘proq insonparvarlik yuklarini yetkazib berish va garovga olinganlarni olib chiqib ketishni ta’minlash uchun zudlik bilan o‘t ochishni to‘xtatishga chaqiramiz," - deyiladi bayonotda.