Britaniya urush rejasini yangiladi

Rossiya tahdidlari fonida Buyuk Britaniya Mudofaa vazirligi Isroil tomonidan raketa hujumlaridan himoyalanish uchun foydalaniladigan Temir gumbaz tizimining o‘ziga xos versiyasini ishlab chiqishga chaqirdi, deb yozadi The Daily Telegraph. Uning ma’lumotlariga ko‘ra, qirollik rasmiylari Buyuk Britaniya materikiga hujumdan keyin harakat qilish strategiyasini belgilab beruvchi 20 yillik ichki mudofaaning maxfiy rejasini yangilamoqchi. U mamlakatga raketalar, yadro kallaklari yoki kiberhujumlar bilan zarba berish ssenariylarini o‘z ichiga oladi. Bunday hujjatda kibertahdidlar birinchi marta hisobga olinadi.

Xuddi shu hujjat temir yo‘l va avtomobil tarmoqlari, kemalar, pochta tizimi va telefon liniyalari uchun harbiy strategiyalarni ham qamrab olishi kutilmoqda. Rejada, shuningdek, urush davrida hukumatning ishlashi, jamoat eshittirishlari va vazirlar mahkamasi va qirol oilasi uchun xavfsiz uylar bo‘yicha ko‘rsatmalar mavjud.

Gazetaning yozishicha, yangilangan reja Sovuq urush davridagi maxfiy ma’lumotlarga asoslanadi, unda bosh vazir va vazirlar mahkamasining asosiy a’zolarini evakuasiya qilish rejalari ham mavjud. Doseda Bi-bi-si raketalardan qanday panoh topish mumkinligi haqidagi reklamalar tarqatilishi va qimmatbaho san’at asarlari Londondan Shotlandiyaga olib ketilishi taklif qilingan. Hozirgi hujjat, The Daily Telegraph ta’kidlaganidek, ham sirdir va hech qachon ommaga oshkor etilishi dargumon.