Britaniya hukumati qamoqxona islohotini taklif qildi

Britaniya hukumati qamoqxona islohotini taklif qildi , bu esa Angliya va UYElsdagi mahkumlarning aksariyatiga jazo muddatining atigi uchdan bir qismini o‘taganidan so‘ng shartli ravishda ozod qilinishiga imkon beradi.

Britaniyalik mahbuslarning aksariyati jazo muddatining yarmini o‘tab, qamoqdan ozod qilinadi. Biroq o‘tgan yili qamoqxonalarning gavjum bo‘lishi ehtimoli tufayli hukumat besh yildan ortiq muddatga hukm qilingan jinoyatchilarni jazo muddatining 40 foizini o‘taganidan keyin ozod qilishga qaror qildi. Ushbu favqulodda choralar kuchga kirgan sentyabrdan dekabrgacha bo‘lgan davrda 16 mingdan ortiq mahkum ozod qilindi.

Payshanba kuni Adliya vaziri Shabana Mahmud islohot o‘ta og‘ir jinoyatlar, jumladan zo‘ravonlik uchun hukm qilinganlarga ta’sir qilmasligini ta’kidladi. Ular, avvalgidek, jazo muddatining uchdan ikki qismini o‘tashlari kerak bo‘ladi.

O‘tgan hafta hukumat qamoqxona sig‘imi 89,442 deb baholadi. O‘sha paytda deyarli barcha joylar band edi: qamoqxonalarda 88 087 kishi bor edi. 2031 yilga kelib yana uchta qamoqxona qurish va shu orqali sig‘imni 14 ming o‘ringa oshirish rejalashtirilgan.

Vazir, shuningdek, Buyuk Britaniyaning yana 20 ta qamoqxonasiga jinsiy jinoyatlar uchun ixtiyoriy kimyoviy kastrasiya qilishni taklif qiluvchi kichik pilot sxema kengaytirilganini tasdiqladi. Mahmudning so‘zlariga ko‘ra, hukumat bunday mahbuslar uchun kimyoviy kastrasiyani ixtiyoriy emas, majburiy qilish imkoniyatini o‘rganadi.