Britaniya faollari AQSh harbiy samolyotlari mamlakat bazalaridan uchganidan norozi

Buyuk Britaniya polisiyasi Eron bilan harbiy mojaroga qarshi o‘tkazilgan miting vaqtida «Leykenxit» harbiy-havo kuchlari bazasi yaqinida ikki nafar faolni hibsga oldi.

Bu haqda Daily Mail nashri jurnalistlari xabar bermoqda.

Material mualliflarining ma’lumotlariga ko‘ra, yuzdan ortiq fuqaro Saffolk grafligidagi ob’ektning asosiy darvozalariga olib boruvchi yo‘lni to‘sib qo‘ygan. Namoyishchilar Eron hududi uzra urib tushirilgan Amerika qiruvchi samolyoti aynan shu harbiy aerodromdan havoga ko‘tarilgani haqidagi xabarlardan so‘ng ko‘chaga chiqishdi.

Yig‘ilganlar, shuningdek, baza qo‘mondonligiga rasmiy xat topshirishdi. Unda xalqaro huquq normalariga bepisandlik bilan qaralayotgani qoralangan hamda Buyuk Britaniya infratuzilmasidan Qo‘shma Shtatlar armiyasi tomonidan foydalanilishiga nisbatan norozilik bildirilgan.