2018 yildan beri Britaniya armiyasida kamida 30 ta qurol va harbiy texnika o‘g‘irlangan yoki yo‘qolgan, deb yozadi The Telegraph gazetasi.
Nashr ma’lumotlariga ko‘ra, yo‘qolgan buyumlar orasida bir nechta pulemyotlar, jumladan ikkita umumiy maqsadli (GPMG) ham bo‘lgan.
Bundan tashqari, gazeta Sa-80 avtomatlari, raketalar va minglab patronlarning yo‘qolgani haqida yozadi.
Shuningdek, 2018 yildan 2023 yilgacha Britaniya armiyasi Buyuk Britaniya Mudofaa vazirligiga tegishli 1,4 mingga yaqin noutbuk, kamida 100 ta kompyuter va 30 tagacha USB diskini yo‘qotdi.
