Braziliyada samolyot qulab tushdi

Rio Grande-du-Sulning shimoliy qirg‘og‘ida xususiy bir dvigatelli samolyot turar-joy binosiga urilib, portlash va yong‘inga sabab bo‘ldi.

Bu haqda G1 portali xabar berdi.

Portal ma’lumotlariga ko‘ra, bortda to‘rt kishi bo‘lgan, ularning barchasi halok bo‘lgan. Samolyot Itapolisdan Kapau-da-Kanoaga yo‘l olgan.

Xabarlarga ko‘ra, halokat paytida bino bo‘sh bo‘lgan. To‘qnashuvdan so‘ng, kuchli yong‘in boshlanib, qo‘shni binolarga tarqaldi.

Mahalliy hokimiyat hodisa sababini tekshirmoqda. Yong‘in bir necha soatdan keyin o‘chirildi.