Бразилияда самолёт қулаб тушди

Рио Гранде-ду-Сулнинг шимолий қирғоғида хусусий бир двигателли самолёт турар-жой биносига урилиб, портлаш ва ёнғинга сабаб бўлди.

Бу ҳақда G1 портали хабар берди.

Портал маълумотларига кўра, бортда тўрт киши бўлган, уларнинг барчаси ҳалок бўлган. Самолёт Итаполисдан Капау-да-Каноага йўл олган.

Хабарларга кўра, ҳалокат пайтида бино бўш бўлган. Тўқнашувдан сўнг, кучли ёнғин бошланиб, қўшни биноларга тарқалди.

Маҳаллий ҳокимият ҳодиса сабабини текширмоқда. Ёнғин бир неча соатдан кейин ўчирилди.