Toshkent viloyati Ekologiya, atrof-muhitni muhofaza qilish va iqlim o‘zgarishi vazirligi inspektorlari tomonidan Bo‘stonliq tumani Burchmulla davlat o‘rmon xo‘jaligi Piskom bo‘limining Qorong‘i To‘qay hududida navbatdagi reyd tadbiri o‘tkazdi.
Mazkur tadbirda 1989 yil Bo‘stonliq tumanida tug‘ilgan fuqaro T.B. tomonidan hech qanday ruxsatnomasiz o‘ziga tegishli bo‘lgan ov quroli yordamida 1 bosh tog‘ echkisini ovlaganligi aniqlandi.
Huquqbuzar bu xatti-harakati bilan “Hayvonot dunyosini muhofaza qilish va undan foydalanish to‘g‘risida”gi O‘zbekiston Respublikasi Qonunning tegishli moddalari talablarini buzgan. Uning bu qilmishi orqali taxminan 16 million 875 ming so‘m miqdorida zarar yetkazgani ma’lum bo‘ldi.
Ushbu holat yuzasidan qonunbuzarga nisbatan amaldagi tartib asosida ma’muriy bayonnoma rasmiylashtirildi va tegishli hujjatlar rasmiylashtirilib sud organlariga yuborildi.
O‘zbekistonda noyabr oyida qanday ob-havo kutilmoqda?
Buxoro viloyati, Shofirkon tumanida voyaga yetmagan qiz bilan sodir bo‘lgan holat yuzasidan
66 yoshli Saidov eng uzoq muddat deputat bo‘lish bo‘yicha rekordini yangiladi
