Nemis yashillari Afrikadan Germaniyaga ov kuboklarini olib kirishni kuchaytirishni taklif qilganidan so‘ng, Botsvana prezidenti Mokvetsi Masisi Germaniyaga o‘n minglab yovvoyi fillarni yuborish bilan tahdid qildi.
Butun dunyodan safari ishqibozlari Botsvanaga yuzlab fillar suruvlarini ko‘rish uchun kelishadi. Mart oyining oxiridan dekabr oyining boshigacha bo‘lgan quruq mavsumda Botsvanadagi 130 000 fildan taxminan 50 000 tasi oziq-ovqat izlab unumdor Chobe daryosi havzasiga ko‘chib o‘tadi. Ba’zida bunday turistik joylar fojiali yakunlanadi: o‘tgan hafta Botsvananing qo‘shni davlati Zambiyada fil olti nafar amerikalik sayohatchilar guruhiga hujum qilib, 80 yoshli ayolni o‘ldirdi.
2,6 million aholisi bo‘lgan Botsvana o‘z hududining taxminan 40 foizini yovvoyi tabiat uchun ajratgan. Prezident Masining so‘zlariga ko‘ra, hozirgi vaqtda fillarning populyasiyasini nazorat ostida ushlab turish uchun ularni ovlash muhim.
“Qurg‘oqchilik tabiiy suv manbalarining tanqisligiga va yovvoyi hayvonlarning yashash joylarida oziq-ovqat mavjudligining pasayishiga olib keladi. Fillar juda ko‘p oziq-ovqat va suvga muhtoj, shuning uchun ular kerakli narsalarni topish uchun odamlarga yaqinlashishlari kerak. Fillar ko‘pincha fermerlar bilan to‘qnashib, ekinlar va infratuzilmaga zarar etkazadi, - deydi mahalliy aholi Jon BILD nashriga.
Afrika fili kuniga 150 dan 300 kilogrammgacha ovqat eyishi mumkin va u har kuni 150 dan 225 litrgacha suv ichadi va quruq davrlarda undan ham ko‘proq.
