Boshqaruv minorasidagi yong‘in xavfi sababli Nyu-Jersi aeroporti vaqtincha yopildi

Nyu-York shahri yaqinida joylashgan Nyuark Liberti xalqaro aeroporti yonish hidi tufayli uchish va qo‘nishlarni vaqtincha to‘xtatdi.

Bu haqda Reuters agentligi AQSh Federal aviasiya ma’muriyatiga tayanib xabar berdi.

"Nyu-Jersi shtatidagi Nyuark Liberti aeroportida havo harakatini boshqaruvchilar liftdan chiqayotgan yonish hidi tufayli minorani tark etganlaridan so‘ng, uchish va qo‘nish vaqtincha to‘xtatildi", deyiladi AFA bayonotida.

AFA ma’lumotlariga ko‘ra, parvoz cheklovlari taxminan 30 daqiqa davomida amal qilgan.

Hodisa Air Canada Express reysi LaGuardia aeroportiga qo‘nish paytida o‘t o‘chirish mashinasi bilan to‘qnashganidan keyin sodir bo‘lgan.

Reuters agentligining ta’kidlashicha, AQSh aviasiya tizimi hukumatning qisman yopilishi tufayli havo harakatini boshqaruvchilarning surunkali yetishmasligi, shuningdek, Transport xavfsizligi ma’muriyati xodimlarining alohida yetishmasligiga duch kelmoqda. Bu esa mamlakat bo‘ylab aeroportlarda kechikishlar, uzoq xavfsizlik navbatlari va xavfsizlik bilan bog‘liq xavotirlarning kuchayishiga olib kelmoqda.