Rossiya Markaziy saylov komissiyasi Boris Nadejdinni mart oyida bo‘lib o‘tadigan prezidentlik saylovlarida nomzod sifatida ro‘yxatga olmadi.
“Boris Nadejdinni qo‘llab-quvvatlagan deyarli 105 ming imzodan 95 ming 587 imzo haqiqiy deb topildi va bu uning saylovda qatnashish uchun nomzodini ro‘yxatga olish imkonini bermaydi”, — deb xabar qildi MSK.
Boris Nadejdin urushga ochiqdan-ochiq qarshi chiqqan va Rossiya prezidentligi uchun kurashayotgan yagona siyosatchi edi. Uning nomzodi ro‘yxatga olinishi uchun 100 va 105 ming imzo to‘plashi kerak edi.
