Bombalanayotgan G‘azo: 424-kunning asosiy voqealari

Isroil G‘azo sektorida bosqinchilik va qirg‘inbarot urushini boshlaganiga 424 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.

▪️Bosqinchilar Xon Yunis, Dayr al-Balah, Bayt-Laxiya, Jabaliya va Nusayrat lagerlariga hujum qildi. Kun davomida 37 kishi halok bo‘ldi. Urush boshlanganidan buyon 44466 kishi shahid bo‘ldi.

▪️G‘azo hukumati: G‘azo shimolida qamal boshlanganiga 60 kun bshldi. Bu vaqt ichida 3700 kishi halok bo‘lgan yoki bedarak yo‘qolgan.

▪️Al-Qassam brigadalari Xon Yunisdan bosib olingan hududga raketa uchirdi.

▪️G‘arbiy Sohilda qarshilik jangchilari bir kunda 14 ta qarshilik harakatini amalga oshirdi.

▪️Bosqinchilar Livan janubidagi shaharlarga 30 marta zarba berdi. 9 kishi halok bo‘ldi.

▪️"Hizbulloh": Mudofaa, ishg‘ol tomon ogohlantiruvchi zarba sifatida raketalar uchirdik. Livanning bosib olingan Kafr Shuba tepaliklarida dushmanning Ruvaysat al-Olam pozisiyalariga zarba berdik.

▪️Eron prezidenti Rossiya prezidentiga: Mintaqada sodir bo‘lgan so‘nggi voqealar Isroil manfaatlariga qaratilgan Amerika-Sionistik rejadir. Mintaqadagi davlatlar o‘rtasidagi birlik va hamkorlik bu rejani barbod qiladi.

▪️Tramp 20 yanvargacha G‘azodan isroillik harbiy asirlar ozod qilinmasa, Yaqin Sharqda do‘zax bo‘lishini va’da qilmoqda.

▪️"Hay’at Tahrir ash-Shom" guruhi boshchiligidagi hukumatga qarshi kuchlar Suriyaning Xama viloyatida ma’muriy markazdan 6 km uzoqlikda Bashar al-Assad rejimi kuchlari bilan jang qilmoqda. Yana 6 ta aholi punkti muxolifat kuchlari nazoratiga o‘tdi.

▪️Bashar al-Assad rejimi va Rossiyaning Suriya shimolidagi Halab va Idlib viloyatlariga 27 noyabrdan 2 dekabrga qadar uyushtirgan aviahujumlari natijasida 81 nafar tinch aholi halok bo‘ldi, yana 304 nafari yaralandi.

▪️ Kanada Yaman husiylarini terrorchi tashkilotlar ro‘yxatiga kiritdi. Ayblanuvchilarning Kanadadagi aktivlari muzlatiladi, Kanada fuqarolari va kompaniyalariga husiylar vakillari bilan biznes qilish taqiqlanadi.