Bolgariya va Ruminiya 2025 yil 1 yanvardan boshlab Shengen zonasiga to‘liq qabul qilinadi

Evropa Ittifoqi Ichki ishlar vazirlari Bolgariya va Ruminiyani 2025 yil 1 yanvardan boshlab Shengen zonasiga to‘liq qabul qilishni ma’qullashdi. Bu haqda DPA agentligi ma’lum qildi.

2024 yil 31 martdan boshlab havo va dengiz chegaralarida tekshiruvlar bekor qilingan, ammo quruqlikdagi chegaralarda nazorat saqlanib qolgan edi.

Ruminiya va Bolgariya Shengen zonasiga qo‘shilish uchun zarur bo‘lgan barcha texnik mezonlarni 2010 yildayoq bajargan, ammo ular Avstriya va Niderlandiyaning qarshiligi sababli unga qo‘shila olmagandi.