Boeing keng miqyosli ish tashlash paytida 17 ming ish joyini qisqartiradi

Boeing 17 000 ish joyini, ya’ni global ishchi kuchining 10 foizini qisqartiradi va 777X samolyotining birinchi yetkazib berilishini bir yilga kechiktiradi. Bundan tashqari, tashkilot uchinchi chorakda bir oydan beri davom etayotgan ommaviy ish tashlashlar fonida rekord darajadagi 5 milliard dollar zarar ko‘radi.

Boeing bosh direktori Kelli Ortbergning ta’kidlashicha, sezilarli qisqartirishlar «moliyaviy haqiqatlarimizni qondirish uchun» zarur. Uning qo‘shimcha qilishicha, qisqartirishlar rahbarlar, menejerlar va xodimlarga ta’sir qiladi.

Mashinistlar va aerokosmik ishchilar xalqaro uyushmasiga kiruvchi Sietl va Portlenddagi 30 000 dan ortiq Boeing xodimlari ish haqini 40 foizga oshirishni talab qilmoqda. Kompaniya ish haqini 25 foizga oshirish taklifi bilan chiqdi, biroq u rad etildi.