Roskosmos Oyga parvozlar uchun “SuperKB” yaratadi. “O‘ta og‘ir raketalarni yaratish bo‘yicha yirik konstruktorlik byurosi tuziladi”, deb xabar berdi Roskosmos rahbari Dmitriy Rogozin "Birinchi" kanalda namoyish qilingan dasturdagi chiqishi chog‘ida.
“Biz Oy bilan bog‘liq ishlarni 2021 yildan boshlaymiz. Hozir “SuperKB”ni yaratuvchi mutaxassislarni aniqlab oldik”, deydi Rogozin. Uning so‘zlariga ko‘ra, bunday raketalarning parvozi 2029 yilga mo‘ljallangan.
Shuningdek, u Yevropa kosmik agentligi bilan hamkorlikdagi “Ekzomars” loyihasi haqida ham ma’lumot bergan.
Manba: uza.uz
