Bir nechta top-klublar Vinisius Juniorni o‘z saflariga qo‘shib olishni istamoqda

Evropaning bir qator yetakchi klublari «Real Madrid» hujumchisi Vinisius Juniorni transfer qilish imkoniyatiga qiziqish bildirmoqda, deb xabar beradi Sports.kz.

TEAMtalk ma’lumotiga ko‘ra, bir nechta top-klublar — «Arsenal», «Manchester Yunayted», «Manchester Siti», «Liverpul», «Chelsi», «PSJ» va «Bavariya» bilan 25 yoshli braziliyalik futbolchining yozgi transferi bo‘yicha aloqaga chiqqan.

Vinisius Juniorning «Real Madrid» bilan shartnomasi yakuniy bosqichga kirgan, yangi kelishuv bo‘yicha muzokaralar esa bir necha oydan beri to‘xtab qolgan. Manbalarga ko‘ra, yangi shartnoma muhokamasi faqat 2026 yilgi jahon chempionatidan keyin qayta tiklanishi mumkin.

Shuningdek, futbolchiga Saudiya Pro-ligasi ham jiddiy qiziqish bildirmoqda va uni o‘z safiga qo‘shib olish uchun har qanday imkoniyatdan foydalanishga tayyor.

Biroq, futbolchining o‘zi avvalroq «Real Madrid»da qolishni xohlashini ma’lum qilgan.