Farg‘ona viloyati Beshariq tumanida kuchli yog‘ingarchilik oqibatida 90 dan ortiq xonadonni suv bosdi. Favqulodda vaziyatlar vazirligi mazkur holat yuzasidan ma’lumot berdi.
Bildirilishicha, joriy yilning 1 may kuni soat 21:41 da «112» tizimi orqali Beshariq tumanida kuchli yomg‘ir yog‘ishi oqibatida tumanning «Vorux Dasht», «Yangiqo‘rg‘on» MFYlarning ayrim ko‘chalaridagi 90 dan ortiq aholi yashash xonadonlarining tomorqalariga yomg‘ir suvlari kirganligi to‘g‘risida Farg‘ona viloyati FVBga xabar kelib tushgan.
Shu zahotiyoq, hodisa joyiga Farg‘ona viloyati FVB, viloyat va tuman hokimligi hamda FVDqT xizmatlari yetib borib, hodisa oqibatlarini bartaraf etish ishlari jadallik bilan amalga oshirilmoqda.
Bartaraf etish ishlariga barcha zarur kuch va vositalar jalb qilingan. Vaziyat to‘liq nazoratga olingan.
Qayd etilishicha, ushbu hodisa oqibatida fuqarolar orasida tan-jarohat olganlar yo‘q. FVV vaziyat oqibatlari qisqa vaqt ichida bartaraf etilishini ta’kidlagan.
Zelenskiy Putinning G‘alaba bayrami munosabati bilan sulh e’lon qilish g‘oyasiga munosabat bildirdi
AQShda Rossiyaning T-72 tanki dunyodagi eng yaxshi tanklardan biri deb topildi
Eron yahudiylari yetakchisi Oyatulloh Xomanaiyga sodiqlik bildirdi
