Hafta oxirida salqin havo massalari kirib kelishi kutilmoqda. Harorat kunduzi +28…+36, kechasi +13…+16 daraja atrofida bo‘ladi. Ba’zi joylarda shamol kuchayib, chang-to‘zonlar kuzatilishi mumkin.
Hafta oxirida O‘zbekistonda havo salqinlashishi kutilyapti. Bu haqda O‘zgidromet xabar berdi.
29 avgust kuni kunduzi O‘zbekiston bo‘yicha bulutsiz va issiq ob-havo saqlanib turadi, havo harorati +36…+39 daraja, cho‘l hududlarda va respublika janubida ba’zi joylarda +41 darajagacha bo‘ladi.
30 avgustdan boshlab respublika hududiga shimoli-g‘arbdan nisbatan salqin havo massalari kirib keladi. Havo harorati asta-sekin pasayib, 30 avgustda +31…36 daraja, 31 avgust- 1 sentabrda +28…+33 darajani tashkil etadi.
Kechasi va ertalab salqin havo sezilarli bo‘ladi, 1 sentabrga kelib, harorat kechasi +13…16 darajagacha pasayadi.
Shu kunlarda respublika bo‘yicha bulutsiz va quruq ob-havo saqlanib turadi.
Respublika bo‘yicha ba’zi joylarda shamol tezligi sekundiga 13-18 metrgacha kuchayishi kutilmoqda, 30-31 avgust va 1 sentabrda ayrim joylarda ba’zida sekundiga 20-23 metrgacha kuchayishi, chang-to‘zonlar bilan kuzatilishi mumkin.
Toshkentda havo bulutsiz bo‘ladi. Sharqiy shamol yo‘nalishini o‘zgartirib, shimoli-g‘arbdan sekundiga 3-8 metr tezlikda esadi, 30-31 avgustda sekundiga 10-14 metrgacha kuchayishi, ba’zi joylarda chang-to‘zonlar bilan kuzatilishi mumkin. Bugun kunduzi harorat +37…+39 daraja, shanba kuni +34…+36 daraja, yakshanba va dushanba kunlari +30…+32 daraja bo‘ladi. Harorat kechalari asta-sekin +13…+15 darajagacha pasayadi.
Maktablarda 1 sentyabrdan smartfondan foydalanish taqiqlanadi
Keyingi 5 yil ichida boshlanishi mumkin bo‘lgan 5 ta urush
AQSh Kongressiga nomzod Valentina Gomes Qur’onni yoqib yubordi
