Bashar Asad Rossiyaga qochishidan oldin Putinga ikki marta qo‘ng‘iroq qilgan

Bashar Asadning sobiq matbuot kotibi Kamol Sakrning aytishicha, Suriyaning sobiq rahbari kuchini yo‘qotishidan biroz oldin Rossiya prezidenti Vladimir Putin bilan bog‘lanishga bir necha bor urinib ko‘rgan.

Sakrning so‘zlariga ko‘ra, Asad 4 va 5 dekabr kunlari Putinga qo‘ng‘iroq qilmoqchi bo‘lgan, biroq muvaffaqiyatga erishmagan. Keyin u Rossiya prezidentining Suriya bo‘yicha maxsus vakili Aleksandr Lavrentevga murojaat qildi. Uning so‘zlariga ko‘ra, Putin Belarusga amaliy tashrifi tufayli javob bera olmagan.

2024 yil 8 dekabrda hukumatga qarshi “Hayat Tahrir ash-Sham” terrorchilik guruhi Suriyada hokimiyatni qo‘lga kiritdi. Bashar Asad Rossiyaga qochib ketdi.