"Barselona" vise-prezidenti Rafa Yuste Xavini jamoa bosh murabbiyi sifatida saqlab qolish istagi haqida gapirdi.
“Umid qilamanki, Xavi klubda qoladi. Biz u bilan uzoq muddatli loyihani muhokama qilmoqdamiz va bir-ikki mavsum haqida gapirmayapmiz. Biz Xavini klubda qolishga ishontirishga harakat qilamiz", - deya Yuste so‘zlarini keltirmoqda AS.
Eslatib o‘tamiz, mutaxassis mavsum yakunida klubni tark etishini ma’lum qilgandi. 44 yoshli ispaniyalik mutaxassis 2021 yildan buyon jamoani boshqaradi. "Barselona" bilan birgalikda u Ispaniya chempioni va mamlakat Superkubogi sohibiga aylandi.
