«Barselona» hujumchisi 3 haftaga safdan chiqdi

Ferran Torres jarohati tufayli 3 haftaga yaqin maydonga tusha olmaydi.

«Barselona» hujumchisi La Liga 18-turidan o‘rin olgan «Atletiko»ga (1:2) qarshi bahsni mushaklaridagi muammo bilan yakunladi. U ikkinchi bo‘limda zaxiradan maydonga tushgandi.

Kataloniya klubi futbolchini ko‘rikdan o‘tkazdi va unda yengil jarohat aniqlandi.

AS xabariga ko‘ra, 24 yoshli ispan taxminan 3 haftani o‘tkazib yuboradi.

Ferran Torres bu mavsumda La Liganing 13 ta uchrashuvida 3 ta gol urdi va 2 ta golli uzatmani amalga oshirdi.