Seshanba kuni Bangladesh ko‘chalarida huquqni muhofaza qilish organlariga koronavirus kasalligi tarqalishining oldini olishga qaratilgan karantinda yordam berish uchun armiya bo‘linmalari paydo bo‘ldi.
“Bizning armiyamiz mamlakatning barcha tumanlariga yetib bordi va mahalliy ma’muriyat vakillari bilan uchrashdi. Endi biz vaziyatga aralashish bo‘yicha yakuniy rejalarni ko‘rib chiqmoqdamiz», dedi podpolkovnik Abdulloh ibn Zayd.
Uning so‘zlariga ko‘ra, havo kuchlari ham, dengiz floti ham olis hududlarga shoshilinch tibbiy yordamni yetkazib berish va zaruratga qarab, og‘ir ahvoldagi bemorlarni kasalxonaga olib kelish uchun shay holatga keltirilgan.
“Biz odamlarni uylarida karantinda o‘tirishga, ommaviy yig‘ilishlarda qatnashmaslikka va jamoat transportidan foydalanmaslikka chaqirmoqdamiz. Agar biz buni amalga oshira olsak, ushbu misli ko‘rilmagan inqirozni yengib o‘tamiz”, dedi professor Shahnila Ferdousi.
Bangladeshda koronavirus ilk bor 8 mart kuni qayd etilgan. 24 mart holatiga ko‘ra, bu mamlakatda 39 kishi virusni yuqtirib olgan va to‘rt kishi uning qurboniga aylangan.
Shoygu urush tugaydigan “aniq va shubhasiz” sanani ma’lum qildi
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
Garri Kasparov terrorchi sifatida tan olindi
