Armanistonning yangi bosh vaziri Nikol Pashinyan Bryusselda NATO sammiti doirasida AQSh prezidenti Donald Tramp, Buyuk Britaniya bosh vaziri Tereza Mey va Yevropa Ittifoqi diplomatiyasi rahbari Federika Mogerini bilan suhbatlashdi.
8 may kuni bosh vazir lavozimini egallagan Pashinyan uchun bu jahon yetakchilari bilan ilk uchrashuv bo‘ldi.
Pashinyan NATOga a’zo davlatlar delegasiyalari rahbarlari sharafiga uyushtirilgan kechki tanovulda ishtirok etgan. U, shuningdek, Afg‘onistondagi “Qat’iy ko‘mak” amaliyotiga jalb qilingan, NATOga a’zo bo‘lmagan davlatlar yetakchilari uchrashuvida ishtirok etgan.
Pashinyan Mogerini bilan uchrashuvda Armanistondagi islohotlarni muhokama qilgan. Mogerini, o‘z navbatida, Armaniston va Yevropa Ittifoqi hamkorligining kelajagi porloqligiga ishonch bildirgan.
Manba: kun.uz
O‘g‘ri bojxonachilar 26 tonna oltin bilan qo‘lga tushdi
Pentagon rahbari Ostin AQShning Raisiy vertolyoti halokatiga aloqador emasligiga ishontirdi
Qodirov Estoniyaga raketa hujumlarini uyushtirishga chaqirmoqda
