Eron Tashqi ishlar vaziri Abbos Arag‘chi Tehron Vashingtonga mutlaqo ishonmasligini ma’lum qildi.
Bu haqda Arag‘chi Saudiya Arabistonining "Al-Ixboriya" telekanaliga bergan intervyusida aytib o‘tdi.
AQSh bilan bo‘lgan muzokaralar tajribasiga tayanib, Eron TIV rahbari ko‘p hollarda muzokaralar AQShning "hujumi" bilan yakunlanganini bildirdi.
"Amerika tomoni bilan shunday muzokaralarimiz bo‘lganki, ular mamlakatimizga qarshi urush boshlanishi bilan yakun topgan. Tajriba shuni isbotladiki, muzokaralar jarayonida amerikaliklarga aslo ishonib bo‘lmaydi", — deya Araqchining so‘zlaridan iqtibos keltirmoqda Tasnim agentligi.