Asr bitimi muvaffaqiyatsizlikka uchraydimi?
Falastin va Isroil o‘rtasidagi mojaroni hal qilish uchun hali ham imkoniyat borga o‘xshaydi.
Shunday qilib, Falastin hukumati AQSh emas, balki Rossiya bilan hamkorlik qilishni xohlashini ma’lum qildi. Gap Isroil va Falastin o‘rtasidagi mojaroni tinch yo‘l bilan hal etish masalasida vositachi bo‘lishga tayyor mamlakat haqida bormoqda.
Tegishli bayonot Falastinning Moskvadagi rasmiy elchisi Abdul Hafiz Nofal tomonidan ma’lum qilindi. “Rossiya24” kanalining “YouTube”dagi sahifasida elchining nutqi yozilgan video paydo bo‘ldi.
"Biz falastinliklar endi Amerika tinchlik jarayonida munosib vositachi ekaniga ishonmaymiz", deya ta’kidlagan diplomat.
Elchining ta’kidlashicha, Vashington ziddiyatli tomonlarni o‘z rejalarini amalga oshirishga majbur qiladi, xalqaro majburiyatlarni rad etib, xalqaro siyosatning boshqa ishtirokchilarini unutib qo‘yadi.
Shu bilan birga, Hafiz Nofal uning mamlakati Rossiyaning Yevropa Ittifoqi, BMT va AQShni o‘z ichiga olgan "Yaqin Sharq kvarteti"dagi ishtiroki va rolini yuksak qadrlashini qo‘shimcha qildi.
Xabaringiz bor, bundan sal oldinroq Falastin prezidenti Mahmud Abbos Rossiya prezidenti Vladimir Putinga murojaat qilib, Moskvada bo‘lib o‘tishi mumkin bo‘lgan Isroil bilan muzokaralarni tashkil etishga yordam berishini so‘ragan edi. Xabar qilinishicha, bir kun oldin qattiq qadam tashlashga qaror qilgan va AQSh hamda Isroil bilan ilgari erishilgan barcha kelishuvlarni buzgan Falastin hukumati faqat uchinchi vositachilar bilan muzokaralarga qaytishga tayyor ekanliklarini ta’kidlagandi.
17 may kuni esa Isroil Bosh vaziri Binyamin Netanyaxu G‘arbiy Sohil va Iordan vodiysida yahudiylarning foydasiga Falastin hududlarini anneksiya qilish vaqti kelganligini ta’kidladi. Qizig‘i shundaki, ilgari ushbu masala bo‘yicha shunga o‘xshash ritorikalarni AQShdan eshitish mumkin edi. Vaholanki, Donald Trampning niyatlariga ko‘ra, Falastinni "biroz kattalashtirish" va poytaxtini Sharqiy Quddusga ko‘chirishni rejalashtirilmoqda.
Yaqin Sharq Tarkibi Xalqaro Mediatorlari Uchrashuvi Instituti (Kvartet) 2001 yil oxirida tashkil etilgan bo‘lib, yaratilishining tashabbuskorlari Rossiya va Yevropa Ittifoqi hisoblanadi.
