AQShda 2026 yilning birinchi yarmida real daromadi o‘sishi kutilmoqda

2026 yilning birinchi yarmida AQShda inflyasiya pasayadi va real daromadlar oshadi.

AQSh moliya vaziri Skott Bessent Fox News telekanaliga bergan intervyusida shunday prognoz qilgan.

"Birinchi ikki chorakda biz inflyasiya chizig‘ining pastga siljishini, shuningdek, real daromadlarning sezilarli o‘sishini ko‘ramiz, deb kutgan bo‘lardim. Bu ikki chiziq kesishganda, amerikaliklar buni his qilishadi", dedi u.

Bessent shuningdek, kichik biznes o‘sish bo‘yicha "buyuk 2026 yil"ga ega bo‘lishiga ishonch bildirdi.