AQSh Mudofaa vazirligining Ukrainaga ayrim turdagi qurol-yarog‘larni yetkazib berishni to‘xtatish haqidagi qarori Patriot zenit-raketa tizimlari va Stinger odam-portativ havo hujumiga qarshi mudofaa tizimlari uchun o‘nlab tutuvchi raketalarga taalluqlidir.
Bu haqda NBC News telekanali manbalarga tayanib xabar berdi.
Ularning ma’lumotlariga ko‘ra, minglab gaubisa o‘q-dorilari, 100 dan ortiq Hellfire boshqariladigan raketalari va 250 dan ortiq GMLRS raketalari ham muzlatilgan. Qayd etilishicha, Mudofaa vaziri Pit Xegset Kiyevdagi rasmiylarga yetkazib berilganligi sababli bo‘shatilgan AQSh omborlaridagi qurol zaxiralarini tekshirishni buyurgan.
Avvalroq Politico gazetasi Pentagon Ukrainaga havo hujumidan mudofaa raketalari va yuqori aniqlikdagi o‘q-dorilarni jo‘natishni to‘xtatgani haqida xabar bergan edi. Nashrning yozishicha, yetkazib berishni to‘xtatib turish haqidagi qaror tashabbuskori Mudofaa vazirining siyosat bo‘yicha o‘rinbosari Elbrij Kolbi bo‘lgan.
Gazeta manbalarining ta’kidlashicha, Jo Baydenning avvalgi ma’muriyati davrida kelishilgan ba’zi yordamlarni to‘xtatish qarori iyun oyi boshida qabul qilingan, biroq endigina kuchga kirgan.
Toshkentda andijonlik "dostavkachi" yigitni zo‘rlagan 2 nafar ayol qamaldi
Ayollarning pensiya yoshi yana 6 oyga oshirildi
Qirg‘izistonda favqulodda holat e’lon qilindi
