AQSh mudofaa xarajatlari 1 trillion dollardan oshishi mumkin

Pentagon kotibi Lloyd Ostin AQSh hukumatiga 2026-moliya yilida mudofaa xarajatlarini qariyb 50 milliard dollarga oshirishni tavsiya qildi. Kelgusi yillarda harbiy departamentning byudjeti 1 trillion dollardan oshishi mumkin.

Bu haqda Bloomberg agentligi xabar berdi.

Vazir o‘z tavsiyasini 27 noyabrda AQSh boshqaruv va byudjet idorasiga (OMB) yo‘llagan maktubida aytib o‘tdi. Ostin mudofaa xarajatlarini 2027-2030-moliyaviy yillarda AQSh yalpi ichki mahsulotining taxminan 3 foiziga tenglashtirishga chaqirdi. U "Xitoyga qarshi kurashish va ittifoqlarni mustahkamlashga urg‘u bergan holda" Milliy mudofaa strategiyasini qo‘llab-quvvatlashdan tashqari, o‘sishning aniq asosini keltirmadi.

Ostin OMBga 2026-moliya yilida 926,5 milliard dollar, 2027 yilda 972,8 milliard dollar va 2028 yilda 1 trillion dollardan ortiq mablag‘ sarflashni nazarda tutuvchi yangi ma’muriyat tomonidan taklif qilingan besh yillik mudofaa rejasini saqlab qolishni tavsiya qildi. Faqat Pentagon uchun mo‘ljallangan mablag‘ Ukraina va Isroilga yordamni o‘z ichiga olmaydi, dedi vazir.