Bu haqda Amerikaning Politico gazetasi manbalarga tayanib xabar berdi TASS.
«AQSh 7-oktabr kuni Isroilga hujum uyushtirganidan so‘ng G‘azo sektorida razvedka ma’lumotlarini yig‘ishni kuchaytirdi. Biroq mojaroga barham berish yo‘lini topishda asosiy rol o‘ynashi mumkin bo‘lgan razvedka turi bo‘yicha bo‘shliqlar saqlanib qolmoqda», — deyiladi nashrda.
«Hujumdan bir yil o‘tib ham AQSh razvedka idoralari Hamas jangari guruhi ichidagi ichki siyosiy dinamikani, u o‘t ochishni to‘xtatishga tayyormi yoki yo‘qmi va G‘azo bo‘yicha uzoq muddatli maqsadlarini tushunishda muammolarga duch kelmoqda. Mintaqadagi keng ko‘lamli urushning oldini olishga urinayotgan siyosatchilarga bu savollarga javob kerak», deb ta’kidlaydi nashr. O‘nlab yillar davomida AQSh ma’muriyati G‘azo va XAMAS bilan bog‘liq razvedka ma’lumotlarini yig‘ish va tahlil qilishga ustuvor ahamiyat bermadi. Sobiq va hozirgi razvedka xodimlariga ko‘ra, yaxshilanishlar bo‘lsada, buni tuzatish uchun bir yil etarli emas.
7 oktabrdagi hujumdan beri AQSh prezidenti Jo Bayden ma’muriyati xorijdagi boshqa inqirozlar, jumladan, Isroil va Hizbulloh o‘rtasidagi mojaro, Ukrainadagi urush va Xitoydan kelayotgan tahdidlar bo‘yicha razvedka ma’lumotlarini birinchi o‘ringa qo‘yishda davom etdi, deb yozadi gazeta manbalari.
Ukraina dushman uchun «Jahannam» tayyorladi
Rossiya Ukrainadan yerlarini qaytarib olganini e’lon qildi
16 dekabr kuni yana izg‘irin sovuq qaytadi
