Turkiya Rossiyadan yuz o‘girgani yo‘q, Anqara rasmiy Moskva bilan “shaffof muzokaralar”ni qo‘llab-quvvatlaydi. Bu haqda Hurriyet gazetasi yozmoqda.
"Turkiya Rossiyadan yuz o‘girib, butunlay G‘arbga yuzlandi degan fikr to‘g‘ri emas. Turkiya xalqaro va mintaqaviy kuch sifatida muvozanat siyosatini davom ettiradi. Bu doirada Turkiya G‘arb va Rossiya bilan aloqalarini rivojlantirishda davom etadi”, — deb yozadi gazeta hukumatdagi manbalarga tayanib.
