Anqara BMTga Isroilga qarshi qurol embargosini joriy etishni taklifini ilgari surdi

Turkiya BMTdan Isroilga qarshi qurol embargosi joriy etishni so‘radi.

So‘rovni 52 davlat imzolagan, deb yozmoqda turk matbuoti.

Maktubda aytilishicha, Isroil xalqaro huquqni bir necha bor buzgan va vaziyat keskinlashuvi natijasida tinch aholi – ayollar va bolalar ommaviy ravishda nobud bo‘lmoqda.

Turkiya 1 noyabr kuni ushbu maktubni BMT Bosh kotibi Antoniu Guterrishga topshirdi, deya xabar bermoqda Anadolu agentligi Turkiya TIVdagi manbalariga tayanib.