Yakkasaroy tumani IIO FMBdan kelib tushgan xabarga ko‘ra, 2016 yil iyul oyidan 2018 yil fevral oyiga qadar bo‘lgan davr ichida 36 yoshli Sirojiddin S. 41 yoshli Rahmatullo X.ga yangi qurilgan uydan xonadon xarid qilishda yordam berishini va’da qilgan.
Shu bahona Sirojiddin S. Rahmatullodan 50.000 AQSh dollari, hamda narxi 17.200 AQSh dollari bo‘lgan “Lasetti” rusumli avtomobilini olgan. Ammo u va’dasida turmasdan, pullarni o‘z ehtiyojiga sarflab yuborgan. Ushbu fakt asosida O‘zbekiston Respublikasi Jinoyat kodeksining 168-moddasi (“Firibgarlik”) bo‘yicha jinoiy ish qo‘zg‘atildi. Sud qamoqqa olish ehtiyot chorasini qo‘lladi.