Xitoyda koronavirus infeksiyasi tufayli joriy etilgan karantin mamlakatda oilaviy ajrimlarning ko‘payishiga olib keldi, deb yozadi Daily Mail.
Sichuan provinsiyasidagi Dachjou shahridagi FHDYo bo‘limiga 24 fevraldan buyon ajrashishga oid 300 ta ariza kelib tushgan.
Er-xotinlarning karantin tufayli ko‘p vaqtini birga o‘tkazishga majbur bo‘layotgani ajrimlar soni ortishiga sabab bo‘lmoqda.
«Er-xotin uyda ko‘p vaqtini birga o‘tkazadi, arzimas sabablar bilan janjallashadi. Keyin ajrashishga ariza beradi», — deydi FHDYo xodimi Lu Shiszyun.
Xuddi shunday holat Shensi provinsiyasining Sian shahrida ham kuzatilmoqda. Hududda o‘tgan vaqt ichida 14 ta ajrashish uchun ariza qayd etilgan.
Bu esa belgilangan limitdan ko‘p degani. Fuchjou shahrida mahalliy FHDYo bo‘limlariga bir kunda o‘nta ariza kelib tushmoqda.
Shaharlar ma’muriyati ajrashishga arizalar ko‘payib ketayotganini tashkilotlar avval ishlamagani, shuning uchun arizalar yig‘ilib qolgani bilan ham izohlamoqda.
Rossiya yana bir harbiy mojaroda ishtirok etishi mumkin
Tojikistonda bahorgi muddatli harbiy xizmatga chaqiruv rejasi 70 foizga bajarildi
Amerikalik taniqli bokschi Bahodir Jalolov haqida fikr birdirdi
