Ozarbayjon va Ukraina prezidentlari Ilhom Aliyev va Vladimir Zelenskiy Myunxen xavfsizlik konferensiyasi doirasida uchrashdi. Bu haqda Ukraina prezidenti devoni xabar berdi.
Zelenskiy «Ozarbayjon Ukraina energetika tizimining ishonchli ishlashini ta’minlashda yordam berayotganini» qayd etdi. Zelenskiy, shuningdek, Aliyevga Irpen shahrini tiklash bo‘yicha loyihalarni amalga oshirgani uchun minnatdorchilik bildirdi va «Ozarbayjonning Ukraina iqtisodiyotini tiklashga qo‘shgan hissasiga umid bildirdi». Uchrashuvda, shuningdek, Ukraina gaz omborlaridan foydalanish imkoniyati muhokama qilindi.
