Ijtimoiy tarmoqlarda akter Rihsitilla Abdullayevning muhlisi uning ustidan shikoyat qildi. Ta’kidlashicha Abdullayev undan selfi tushish uchun 100 dollar so‘ragan.
Muhlisning aytishicha, u akterni Turkiyada uchratib qolgan va suratga tushishni so‘ragan. Abdullayev esa unga rad javobini bergan va agar unga 100 dollar haq to‘lasa ana o‘shanda suratga tushishini ma’lum qilgan.
Ijtimoiy tarmoq foydalanuvchilari o‘z navbatida akterni yulduzlik kasalligiga chalingan deb ayblashdi. Akterning o‘zi hozircha vaziyatga izoh bergani yo‘q, deya xabar qildi UPL.UZ.
